مقارنة بين النظام العراقي السابق والبهايم بعده.. بالعراقي
••••
شجلبتوا بالنظام السابق؟ بي
شستفادينا منه حتى دتعبدوا!
انا اقول لك شنو استفاديت انت وابوك وشنو استفادينة كلنا من النظام السابق :
– النظام وفر لوالدك وظيفة محترمة براتب ثابت محترم كدر عن طريقه يفتح بيت ويبني عائلة .
– النظام وفر مدارس مجانية درست بيها انت الى ان خلصت كلية . ببلاش مادفعت ولا فلس . بالوقت ال بره يدفعون الوف مؤلفة من الدولارات حتى يعلمون اولادهم . واذا انت كنت شاطر وطلعت من الأوائل تاخذ منحة دراسية وزمالة الى احسن جامعات العالم واغلاها وترجع جايب وياك سيارة مرسيدس وتمنحك الحكومة قطعة ارض وقرض حتى تبني عليها بيت المستقبل مع منحة مالية تشتري بيها اغراض البيت وانت راجع .
– النظام السابق وفر لك وظيفة محترمة اول ماتخرجت ماتدوخ وتحفى رجليك على واسطة او تضطر تدفع عشر دفاتر حتى تشوفلك واحد ميسوة فلس يساعدك تلاقي وظيفة .
– النظام وفر مستشفيات وطبابة مجانية حتى من تتمرض تروح تتعالج ببلاش وتشتري دواء بسعر رمزي واذا زوجتك حبلت فتروح للمستشفى الحكومي تولد ببلاش بالوقت اللي تكاليف اي ولادة بأي دولة من دول العالم تكلف الوف الدولارات .
– النظام وفر لك امن وامان بس لاتتقارش وي الحكومة . اطلع وين ماتريد وتأخر لا اكو ميليشيات تهددك ولا اكو عصابات تخطفك وماترجعك الا جثة هامدة .
– النظام وفر لك مصانع خو مو كل الناس تشتري من لندن وفرنسا الماعنده يشتري الأنتاج الوطني وكان انتاج يستحق كل الأحترام .
– النظام الوطني وفر لك سُفرة عامرة من مزارع البلد وخيراته .
– النظام وفر لك شي اليوم عرفنا انه كان أهم وأعظم شي بالحياة والعظمة لربي . هو الكرامة .. اي اي الكرامة يوم كان العراقي يطلع بره الكل تضرب له تحية . خو مثل اليوم يطلع خارج العراق يطلب لجوء يعيش على الأعانات والصدقات بالقيط والقرميط لأن الحكومة كلها حرامية .
– النظام كان حامي الأرض والعرض .. وشوفة عينك من 17 سنة ماظلت ارض مااستجارت من ظلم العصابة الحاكمة ولا ظلت عراقية مااستغاثت من القهر والضيم والفقر والمرض والعازة .
– ايام النظام السابق اخو خيته كان يقدر يشيل طبر ويمشي بالشارع يقتل الشباب ؟
– ايام النظام السابق اخو خيته كان يقدر يسرق دينار واحد ؟
– ايام النظام السابق اكبر عمامة كان يقدر يطلع يخرط ويضحك على الشعب ؟
– ايام النظام السابق كان اكو زلمة يقدر يتنفس ويقول ولائي لأيران او اي دولة ثانية ؟
– ايام النظام السابق كان اكو زلمة يقدر يعاير عراقي او عراقية انه حامي عرضه ؟
– ايام النظام السابق همين شفتلك حود مفتوحة سداح مداح يرعى بيها عجمي وكأنه داخل بيت ابوه ؟
– ايام النظام السابق همين شفت لك مخدرات مدعومة من الوزراء والشيوخ والمعممين ؟
– ايام النظام السابق همين سمعتلك عن ملهى يملكه وزير ؟
– ايام النظام السابق همين سمعت لك عن مختلس صار وزير ؟
– ايام النظام السابق همين شفتلك عاهرة مصوريلها افلام اباحية تصير وزيرة ؟
– ايام النظام السابق همين سمعت عن وزراء دول اجنبية يطبون ويطلعون خان جغان حتى الحكومة ماتدري ؟
– ايام النظام السابق همين شفتلك عسكري اجنبي يسوق دبابته بنص بغداد والضابط العراقي يضربله تحية ؟
– ايام النظام السابق .. كانت ايام ال مثلك ناكر جميل تغثه انجازاته تدري ليش لأن انتم
خونة العراق وشعب العراق . انتم ولاءاتكم مو للوطن .. ولاءاتكم لعدو الوطن .
– ايام النظام السابق .. رغم الحصار والحروب المفروضة همين تأخر عليك الراتب الشهري ؟
عرفت هسه ليش مچلبين بالنظام السابق ؟
لانه نظام وطني . مو نظام ميليشياوي طائفي مذهبي عميل وخائن من الألف للياء من اول رئيس الجمهورية الربيطة الى اصغر… بالحكومة .
عرفت لو اعيد؟
عاد هسه دفرة بوجهك يا…..
